هو انت ليه مصمم

إنت ليه مصمم تبين إنك معندكش إحساس مع إنك أكتر حد في الدنيا دي رومانسي جدا و عندك أجمل مشاعر و أجن أحلام بس إنت مصمم تبقى حد بيجرح عشان مجروح ليه متديش لنفسك فرصة إنك تحس و تتحس من غير متفكر و بعد ما تحس صدقني هتلاقي تفكيرك بقى أحلى عالأقل بقى عندك هدف تدوس عالدنيا عشانه و يا تنجح يا تفشل بس المهم إنك تتعلم من جرحك و متهربش منه دا مش مجرد كلام أشعار دي حقيقة و واقع الواحد لو متمسكش بحلمه و دافع عنه تفتكر هيقدر يحقه أنا مش قصدي إني أفرض مشاعر و حب على قلبك في وقت إنت مش مستعد تحس بيا بس أنا نفسي أحس بيك و تحس بيا بجد و بجد نفسي أعرفك من أول و جديد يمكن تشوف فيا حاجات مشوفتهاش و يمكن ألاقي الحنان اللي متأكدة من وجوده في بحر أسرارك عن العالم كله بس لازم البحر دة يجف عندي أنا لازم أبقى أنا البحر دة نفسي تديني الحق دة زي ما كان نفسي من زمان لما إتقابلنا إن حبنا يبقى أقوى من كدة و المفروض نفضل جنب بعض في الحلو و المر و الجرح و الفرح المفروض نكون روح واحدة متقبلش القسمة و لا حتى على واحد نفسي تحسني بس إنت خلاص قررت و أنا مقدرش أغصب عليك إنك حتى تفتكرني و إنت قولت إنك نسيت أنا معاك إننا ممكن ميكونش لينا زكريات حلوة كتير بس عالأقل في حلم كان المفروض نحافظ عليه عارف للأسف لحد إنهاردة مقدرتش تفهمني و كتير بتدوس على مشاعري و تجرحني بس أنا عايزة أستحمل عشان أبقى جنبك حتى لو الحلم ضاع بس عايزة أعيش معاك بأي صورة يمكن صاحبك بس ابقى معاك سبق و حكيتلك على جرحي و وعدتني إنك مش هتكرره طبغا مش فاكر معلش فاكرة أنك قولت نستك طيب أفكرك أنا قولتلك مش عايزة أحبك و تحبني و تسيبني عشان دة أكبر جرح و كمان أصعب جرح و الله إن بني أدم يحب بالشكل دة و ينتهي حبه بأي شكل عليه عايز تخبي مشاعرك ممكن على كدة أبقى تديني فكرة وحشة عنك إنك تكون بعدين واخدني في حضنك بس مش حاسه طيب إدي نفسك فرصة تثبت إن عندك مشاعر تهد جبال الكون أنا متأكدة منها قلبي حسها خطف منك في يوم إحساس و فهمك بس عقلي خايف يصدق و يبقى هوة الجاني عليا و على مشاعريطبعا مش قصدي أجرحك بس أنا بحلم تكون يا حبيبي فعلا حبيبي و تقدر قلبي مش معنى كلامي إني معترضة على كلامك لالالالا أنا برده لسة مقتنعة عشان باقية عليك و على عشرة عايزة أعيشها حتى لو هتجرح في اليوم ألف مرة معلش أصلي بجد بحبك